Boas!
Magnífico xogo e impresionante traballo! Imos darlle algo de publicidade, e o detalle das receitas é todo un acerto.
Hai un par de detalliños para mellora (sobre todo á hora de botar os ingredientes ao caldeiro, que nos costou un pouco determinar como facelo, logo é sinxelo) e de corrección lingüística.
Tamén detectamos un bug ao volver xogar. Na segunda volta do xogo non se poden seleccionar os ingredientes para botalos ao caldeiro.
Boas tardes!
Xa tedes os resultados da competición. Segundo o xurado, a elección foi difícil, dado que a maioría das propostas tiñan unha calidade artística moi elevada!! Grazas a todos e todas polo voso esforzo e traballos impresionantes! Sinceramente son magníficas achegas para o escaso tempo da competición...
Apertas!
Boas noites equipos!!
Agradecémosvos o enorme esforzo creativo para presentar os proxectos á I Game Jam "Videoxogo e Literatura". Nas vindeiras 24 horas o xurado revisará e avaliará os proxectos segundo as características sinaladas más bases e daremos o resultado nun prazo máximo de 48 horas.
Ata que non se falle o premio non se pode modificar o xogo, pero si a información da páxina do xogo para completar información sobre o mesmo.
Sorte a todos os equipos!!!
Fundación Carlos Casares
