呢個遊戲....真係 嘩。真心好犀利。呢個係6個遊戲之中我最鍾意嗰個entry。
先講主題：我估計divergence係講緊個upgrade/powerup/stats（?嗰個叫乜嘢）嗰part，因應玩家選擇邊啲stats/卡片而慢慢逐漸分化diverged/diversify咗，從而合乎divergence呢個主題？如果係嘅話，ok嘅都合乎主題，雖然可以諗辦法更加明顯少少（例如變化大少少？）
創意：嗯...咁講啦，個description話係"dodgeball"(?)定係根本子彈嚟嘅 xD 不過唔緊要，的確有趣，不過創意性就冇咁大（始終bullet hell / dodge子彈嘅遊戲 好似都好多 雖然有upgrade/different stats不過始終每個關卡多少少新意可能好啲？）
遊戲設計：同基本上全部其他遊戲一樣，比較難過關（sorry 可能我真係廢廢哋 xD 但係我覺得一個遊戲要令到全部玩嘅人清晰明白玩法 + 有一個容易開始嘅difficulty curve先可以吸引到人玩落去，始終你冇得expect 所有玩嘅人一定係電競選手級別）。另外指引/tutorial亦可以多少少（例如啲唔同顏色波/唔同elements代表乜嘢？唔同stats/upgrade個名+功能亦都可以更加清晰？）但係整體，關卡仍算好玩，可惜輸咗要全部重新嚟過，同埋更加多元化亦會好啲。
視覺聽覺方面：唔使講啦...你最勁啦一定 XD 你哋隻game除咗美術靚（個"hand drawn"/"cartoonish"/"cinematic" style），同時成隻 game亦都做到相當平均嘅美術風格（唔會一邊嘅style唔match另一邊，就算真係有呢個問題都唔多出現），而聽覺方面有背景音樂，有一啲簡單sound effects，已經唔錯（不過可以更detailed/diverse）
當然有限時間之內，做得已經超級好！應該係咁多個之中最polished最完善嘅一個entry。如果遊戲難度/設計等等嘅元素再調整一下，會變得更加高分應該。
加油！